لون البنفسج - تأملات عراقية -- الشاعرة العراقية ميادة العاني

لون البنفسج

بلون وردات البنفسج
نرسم حدود الامل
وبلون فرحتنه الچبيره
نرسم شفاف الغزل
بلون وردات البنفسج
نبني ساتر للعراق
وبلون تاريخ الحضاره
نرسم عثوگالنخل
العراق اليوم صبح
دجلته يناغي الفرات
والطيور تصفگجناحاتهه
اتبشر الاهل
خلي نلبس ثوب عزنه
وننزع ثياب الجهل
الجرح يمتد خرايط
والوجع
يمتد گناطر للعمل
يا بحور الشعر غني
اليوم عريس العراق
ويابيابي العين صبي
اليوم فرحان العراق
اليوم نتشارك سويه
نحدد النه اجمل هويه
بالتوافق والكرد والائتلاف
احنه ايد بايد ونحل القضيه
اليوم عرسك ياعراق
الناس فرحانه وتغني
وهاذه فرحك ياعراق
والدول كلهه تهني
هاذه حبك ياعراق
الغافي
بگلوب الحراير والرجال
وهاذه مجدك ياعراق
الخله حته اطفالك
تريد المحال
الناس من تفرح تغني
واحنه فرحتنه انتخاب
احنه النه الكون يشهد
للارض عدنه انتساب
للارض عدنه انتساب